«Վրաստանում ընդունված այդ օրենքն անմիջականորեն կազդի նաև Հայաստանի վրա․ մեր մոտ և Վրաստանում ղեկի տեղափոխության աշխատանքները կատարվում են տարբեր գներով՝ մոտ 500 – 600 դոլարի տարբերություն է տալիս, որ Վրաստանում ավելի էժան է։ Վրաստանում կան բազմաթիվ մասնագետներ, ովքեր աջ ղեկը փոխում են ձախ, բայց հիմա նրանք դա այլևս չեն կարողանալու իրականացնել և Հայաստանից գնալ Վրաստան՝ այնտեղ մեքենայիդ ղեկը փոխելու համար՝ այլևս դառնում է անհնարին․ արդյունքում ստացվում է, որ Հայաստանում կամ այդպիսի աշխատանքներ իրականացնող մասնագետների քանակն է շատանալու կամ էլ առանց այդ էլ նման աշխատանքի թանկ գինն ավելի է թանկանալու, հետագայում մարդիկ կսկսեն այլևս աջ ղեկով մեքենա Հայաստան չներկրել և եթե ընդունվի Հայաստանի կառավարության այն նախագիծը, որով արդեն այս տարվա ապրիլի 1-ից արգելվելու է աջ ղեկով մեքենայի ներկրումը Հայաստան, այնուհետև նաև դրանց շահագործումը, ապա Հայաստանում մի քանի տարի անց աջ ղեկով մեքենա այլևս գոյություն չի ունենա»,-«Առաջին լրատվական»-ի հետ զրույցում նշեց « Վարորդի ընկեր» ՀԿ համահիմնադիր Սերգեյ Ղահրամանյանը։
Հիշեցնենք, որ 2018թ-ի հունվարի 1-ից Վրաստանում արգելվելու է աջ ղեկով մեքենաներում ղեկի տեղափոխությունը։ Այն մեքենաները, որոնց ղեկն արդեն տեղափոխված է, տեխնիկական զննում են անցնելու մյուս մեքենաների հետ հավասար պայմաններով։ Միաժամանակ աջ ղեկով մեքենաների հանդեպ որևէ այլ լրացուցիչ պահանջ չի ներկայացվում, բացի լուսարձակների լուսավորության կարգավորումից։
Մանրամասները՝ տեսանյութում։
