Արարատի մարզում, այսօր՝ դեկտեմբերի 13-ին, խոշոր ավտովթար է տեղի ունեցել. ժամը 10։00-ի սահմաններում Երեւան-Երասխավան ավտոճանապարհի 20-րդ կմ հատվածում՝ Արտաշատի վարչական տարածքում, բախվել են 55-ամյա Համլետ Մ.-ի վարած «ՎԱԶ 2106» մակնիշի 05 ՍՏ 940 համարանիշի եւ 18-ամյա Արթուր Հ.-ի վարած «ՎԱԶ 2109» մակնիշի 34 ԼP 916 համարանիշի ավտոմեքենաները։
Shamshyan.com-ի փոխանցմամբ, բախման հետեւանքով «ՎԱԶ 2106»-ը գլխիվայր շրջվել է, նրա վարորդն էլ դեպքի վայր ժամանած Արտաշատի հիվանդանոցի բժիշկներին հայտնել է, որ հրաժարվում է բժշկական օգնությունից, քանի որ վնասվածքները թեթեւ են։ Այնուամենայնիվ, ժամանած բժիշկները նրան առաջին բուժօգնություն են ցուցաբերել վթարի վայրում։
