Վոլգոգրադցին Կրասնոդարի երկրամասում դատարանի առաջ կկանգնի երկու կանանց դաժան սպանության և գողության համար: Այս մասին հայտնում է lenta.ru-ն՝ հղում անելով ՌԴ Հետաքննչական կոմիտեի շրջանային վարչությանը:
Հետաքննության վարկածով՝ սպանությունից մի քանի օր առաջ 31-ամյա տղամարդը համացանցի միջոցով ծանոթացել է 38-ամյա կնոջ հետ: 2016 թ. նոյեմբերի 14-ին նա թմրանյութ է գործածել և գնացել իր ծանոթուհու մոտ՝ Կուդեպստա բնակավայր:
«Այնտեղ զրույցի ընթացքում կինը հայտնել է իր մոտ իբր առկա տղամարդու մասնակցությամբ ինտիմ բնույթի տեսագրության մասին, ինչի հետ կապված՝ նրանց միջև բանավոր վեճ է տեղի ունեցել: Վեճի ընթացքում տղամարդն իր մոտ եղած դանակով պարանոցի, գլխի և իրանի մեծաթիվ վնասվածքներ է հասցրել (առնվազն 74) ծանոթուհուն»,- ասվում է հաղորդագրության մեջ:
Ըստ հետաքննիչների՝ հանցագործությունը թաքցնելու համար տղամարդը սպանել է իր ծանոթուհու տարեց մորը, վերցրել է հեռախոսը և փախել: Հետո այրել է իր հագուստը, իսկ դանակը ծովն է նետել: Նա ձերբակալվել է սպանությունից 5 օր անց և անմիջապես ամեն ինչ խոստովանել է:
Ներկայումս մարդասպանի քրեական գործը պատրաստվում է դատարան փոխանցելու համար:
