«Ռուսաստանից հեռավորությունը պիտի պահել, զգույշ լինել, որ չմոտենան ու հարվածեն, որովհետև խփելու են»։ Այդ մասին «Առաջին լրատվական»-ի հետ զրույցում ասաց սոցիոլոգ Կարեն Սարգսյանը՝ նշելով, որ պետք է արհամարել ԵՄ-ի հետ համաձայնագրի ստորագրումից հետո ռուսական լրատվամիջոցների, իշխանությունների կողմից ուղղորդված հակահայկական քարոզչությունը, բայց պետք է նաև հասկանալ, որ հենց այդպիսին է իրական Ռուսաստանը, որը ցանկացած պահի կարող է դիմել սադրանքների։
«Ես ընդհանրապես չեմ զարմանա, եթե մինչև մարտ, մինչև իրենց նոր ընտրություններ նորից պատերազմ կսկսեն Ադրբեջանի ձեռքով, նորից կխառնվեն, նորից կասեն՝ տեսեք, ինչ հզոր պետություն ենք, մենք կարողացանք կասեցնել։ Որոշ մարդիկ վարդագույն ակնոցներով էին գուցե նայում Ռուսաստանին, բայց իրական Ռուսաստանը սա է՝ բարդույթներով, չկայացած պետականությամբ, անհասկանալի պատմություններով։ Ամեն կերպ փորձում են վերահաստատել իրենց առանձնահատուկ դերը, որն իհարկե կա, բայց շատ քիչ, դրական բան քիչ կա այդտեղ։ Սա նորմալ ռուսի տեսակ է՝ մեծամիտ, անհաջողակ, վերևից խոսացող, իրենք նույն կերպ խոսում են Լեհաստանի, Գերմանիայի, այլ պետությունների հետ, իրենք հավատում են, որ ինչ-որ առանձնահատուկ դերակատարում ունեն համաշխարհային պատմության մեջ։ Ի՞նչ եք սպասում մի պետությունից, որտեղ գալիս է քրիստոնյա բնակչության ցեղասպանության կազմակերպած Սուդանի նախագահը, որն ամբողջ աշխարհում քրեական հետապնդվող անձնավորություն է, կարող է հանգիստ գալ, Ռուսաստանի նախագահի հետ ընկերանա, փաթաթվեն, պաչեն իրար»,- շեշտեց նա։
Մանրամասները՝ տեսանյութում։
