Բնության պահպանության Greenpeace կազմակերպությունը մեղադրում է հայտնի Բարբի տիկնիկներն արտադրող Mattel ընկերությանը խաղալիքների համար նախատեսված փաթեթները Ինդոնեզիայի հասարակածային անտառներից բերված փայտանյութից պատրաստելու մեջ: Այս մասին հաղորդում է The Los Angeles Times թերթը:
Բողոքելով այդ անտառների անխնա ոչնչացման դեմ՝ Greenpeace-ի ակտիվիստները կախել են հսկայական պաստառ, որի վրա գրված է. «Բարբի. ամեն ինչ ավարտված է: Ես չեմ հանդիպում աղջիկների հետ, որոնք ներգրավված են անտառահատման մեջ»: Պաստառը փակցված է Mattel ընկերության Կալիֆոռնիայում գտնվող կենտրոնական գրասենյակի վրա:
Ոստիկանությունը ձերբակալել է բողոքի ակցիայի տասը մասնակցի: Greenpeace հայտարարել է, որ արշավ է սկսում հասարակածային անտառների պաշտպանության համար և ծառահատումներ իրականացնող ընկերությունների դեմ: Mattel-ում այս կապակցությամբ ափսոսանք են հայտնել, քանի որ, ըստ ընկերության ներկայացուցիչների, իրենք ամեն կերպ փորձել են աջակցել և համագործակցել կանաչների հետ:
