Չեխիայի մայրաքաղաք Պրահայում Dekomunizace շարժման ակտիվիստները կախել են Ռուսաստանի նախագահ Վլադիմիր Պուտինի հսկայական դիմանկարը այն տեղում, որտեղ նախկիում եղել է Իոսիֆ Ստալինի հուշարձանը, հաղորդում է Lidové noviny պարբերականը:
Ակցիան նվիրված է եղել խորհրդարանական արտահերթ ընտրություններին: Ռուսաստանի նախագահի դիմանկարը բարձրացվել է երկու կռունկների օգնությամբ: Պաստառի վրա Պուտինի գլուխը համադրվել է Ստալինի մարմնի հետ:
Այս ակցիայով շարժման ներկայացուցիչները ցանկացել են ուշադրություն հրավիրել Չեխիայում կոմունիստական գաղափարների վերածննդի և քաղաքականությունը դեպի Արևելք ուղղելու վտանգի վրա: Շարժման մասնակիցների կարծիքով՝ դա կհանգեցնի երկրում ավտորիտար ռեժիմի հաստատմանը և Չեխիայի վրա ռուսական ազդեցության վերադարձին:
Ռուսաստանի նախագահի դիմանկարը կախելով՝ ակտիվիստները կոչ են արել այս կերպ քվեարկել ընդդեմ ձախ կուսակցությունների և շարժումների, որոնք, նրանց կարծիքով, արևելյան ուղղվածություն ունեն: Խոսքը Չեխիայի և Մորավիայի կոմունիստական «Քաղաքացիական իրավունքներ», Չեխական սոցիալ-դեմոկրատական կուսակցությունների մասին է: