Նիգերիայի քաղաքներում ահաբեկչության դեմ պայքարում են զանգվածային հարսանիքների օգնությամբ, գրում է The World Time-ը:
Ինչպես գրում է թերթը, ամբողջ աշխարհում հակաահաբեկչական գործողությունները տեղի են ունենում ռազմական ուժի ու անվտանգության կոշտ միջոցառումների միջոցով, այն դեպքում, երբ Նիգերիայում քննարկվում են հակաահաբեկչական գործողությունների տարբեր տարբերակներ:
Ամուսնական զանգվածային արարողության համար ներգրավվում են երիտասարդ աղջիկներ, չամուսնացած, ամուսնալուծված կամ այրիացած կանայք: Դա թույլ է տալիս լուծել միայնակ կանանց խնդիրը և կանխում է երիտասարդների շրջանում արմատական տրամադրությունների առաջացումը, պնդում են «հակաահաբեկչական հարսանիքների» կազմակերպիչները:
Բացի դրանից՝ երիտասարդ ընտանիքը կստանա ֆինանսական օգնություն պետությունից և որոշ քանակությամբ շինարարական նյութեր:
Երկրի մեծությամբ երկրորդ քաղաք Կանոյում 1300 զույգ է ամուսնացել զանգվածային արարողության ժամանակ: Սպասման ցանկում է ևս 5000 մարդ:
