Քաղաքներն ազդում են իրենց տարածքներում ապրող կենդանատեսակների էվոլյուցիայի վրա։ Նման եզրակացության են եկել ամերիկացի գիտնականները հետազոտության ընթացքում, որի արդյունքները հրապարակվել են Science ամսագրում։
Ինչպես նշում են հետազոտողները, շատ քաղաքային տարածքներում ձկներն ու միջատները մշակում են դիմակայություն իրենց համար նախկինում մահացու նյութերի նկատմամբ։ Մի շարք դեպքերում դա տանում է նույնիսկ նոր տեսակների առաջացման։ Մարդու գործունեությունը, որը ձևավորում է բնակության նոր միջավայր, ազդեցություն է ունենում ֆաունայի և դրա ներկայացուցիչների ԴՆԹ-ների վրա, նշում են գիտնականները։
Տեսակների էվոլյուցիայի վրա ազդող գործոնների թվում են արհեստական լույսը, ասֆալտը, աղյուսը, ապակին, աղտոտումը, բետոնե թունելները և այլն։ Բացի այդ, նշվում է, որ թռչուններին կերակրելու պրակտիկան կարող է հանգեցնել դրանց կտուցների մեծացման։
