ԱՄՆ պետքարտուղար Ռեքս Թիլերսոնը հայտարարել է, որ Միացյալ Նահանգները իրենց զորակազմը կթողնեն Իրաքում այնքան ժամանակ, քանի դեռ լիակատար հաղթանակի չեն հասել ԻՊ ահաբեկչական խմբավորման նկատմամբ: Այս մասին հայտնում է Defense News-ը: Թիլերսոնը շեշտել է, որ Միացյալ Նահանգները կմնա Իրաքում, եթե նույնիսկ պաշտոնական Բաղդադը նրան խնդրի հեռանալ այնտեղից: ԱՄՆ արտաքին քաղաքական գերատեսչության ղեկավարը մասնավորապես ասել է, որ Միացյալ Նահանգները նման իրավունք ստացել են 2001 եւ 2002 թվականներին ռազմական ուժի կիրառման արտոնությամբ (AUMF):
Թիլերսոնի այս հայտարարությունը միանգամից արժանացել է ամերիկյան փորձագետների սուր քննադատությանը: Անվտանգության հարցերով մերձակառավարական կեցվածք ունեցող փորձագետ Մայ Յոյանը հայտարարել է, որ այդ դեպքում ամերիկյան զորքերի ներկայությունը տեղի բնակիչները կգնահատեն որպես ներխուժում, եւ այդ դեպքում բացի ահաբեկչական խմբավորումների հարձակումներից, ամերիկյան զորակազմը կարող է ենթարկվել նաեւ իրաքյան անվտանգության ծառայությունների հարձակումներին:
