Սիդնեյի օպերային թատրոնն իր 40 ամյակը նշել է գունագեղ ներկայացմամբ` աբորիգեն պարողների մասնակցությամբ, որն ավարտվել է հսկայական կեքս ուտելով, հաղորդում է BBC-ն:
Հազարավոր մարդիկ հետևել են տոնակատարությանը թատրոնի շենքի առաջ, որը ներառվել է ՅՈՒՆԵՍԿՕ-ի համաշխարհային ժառանգության ցուցակում:
Բազմությունը երգել է ավստրալիական ռոքի լեգենդ Ջիմ Բարնսի հետ` շնորհավորելով թատրոնի տարեդարձը: Հյուրերի թվում են եղել նաև Սիդնեյի օպերայի շենքի նախագծի հեղինակ Յորն Ութզոնի զավակները: Դանիացի ճարտարապետը մահացել է 2008 թ.: