«Առինջ մոլում» վաճառականների և հարկային ծառայության միջև տարաձայնությունները շարունակվում են։ Հիմա էլ ՊԵԿ աշխատակիցները որոշել են շուկայի ներսում տարածք վերցնել և որոշ ժամանակ բացատրական աշխատանք տանել առևտրականների հետ՝ ճիշտ փաստաթղթավորումների հետ կապված։
«Առաջին լրատվական»-ի հետ զրույցում «Համերաշխություն» ՀԿ նախագահ Արմեն Ներսիսյանը նշեց, որ երեկ ՊԵԿ աշխատակիցները առևտրականներին ասել են, որ յուրաքանչյուր կտոր ապրանքի համար պետք է օնլայն հայտարարագրում լինի, խոսել են տուգանքների մասին, որոնք կարող են անցնել 200 հազարը, ինչից հետո առևտրականները որոշել են գնալ ԱԺ-ի դիմաց ակցիա իրականացնելու, բայց հարցին միջամտել է Գագիկ Ծառուկյանը։
«Պարոն Ծառուկյանը ցանկացավ հաշտեցնել, որ այս հարցը համերաշխ ձևով լուծվի։ Իրենք ասացին, ավելի կոնկրետ՝ Արմեն Հունանյանը ասաց, որ թայմ-աութ են վերցրել, որպեսզի փաստաթղթավորման գործընթացը լուծվի։ Հիմա «Առինջ մոլում» տաղավար են վերցրել, որպեսզի գան իրենց աշխատողներով նստեն առևտրականներին փաստաթղթեր տրամադրեն։ Լսել եմ, որ հիմա էլ նորից Սուրմալուում, Փեթակում 240 հազար տուգանում են»,- շեշտեց նա։
Շուկայի առևտրականներն էլ ընդգծեցին, որ հարկայինը յուրաքանչյուր ապրանքի շարժի համար առանձին փաստաթուղթ է պահանջում, ինչը և՛ ժամանակատար է, և՛ ծախսատար. դա ներկայացնելու համար անհրաժեշտ է հաշվապահ ունենալ։
Մանրամասները՝ տեսանյութում:
