«Ես տևական ժամանակ մի հարցի պատասխան էի ուզում գտնել՝ ինչո՞ւ և ո՞ւմ էր սա պետք»,- «Առաջին լրատվական»-ի հետ զրույցում Հոկտեմբերի 27-ի վերաբերյալ ասաց ԱԺ ՀՀԿ խմբակցության պատգամավոր Խոսրով Հարությունյանը:
Մեր զրուցակցի խոսքով՝ այդ ոճրագործության պատվիրատուներին հաջողվել էր տևական ժամանակ պետության ողնաշարը կոտրել: «Եվ այդ պատվիրատուն Հայաստանում չէ: Ո՞վ է, ո՞ր երկիրն է՝ չեմ կարող ասել»,- ասաց Խոսրով Հարությունյանը՝ հավելելով, որ Միացյալ Նահանգներից ավելի քաղաքական կամք ունեցող երկիր չլինի, բայց մինչև հիմա Քենեդու սպանությունը բացահայտված չէ:
Մեր զրուցակիցը շատ ավելի լուրջ հարց է համարում այն, թե ինչ պետք է անենք, որպեսզի հետագայում նման ոճրագործություններից, նման պատվերներից զերծ մնանք:
Մեր դիտարկմանը՝ ռազմավարական նշանակության շատ կառույցներ Ռուսաստանին ենք զիջել հենց Հոկտեմբերի 27-ից հետո, Խոսրով Հարությունյանը արձագանքեց. «Ես, իհարկե, դա չէի կապի Հոկտեմբերի 27-ի հետ, բայց ինձ համար շատ տարօրինակ էր, որ Ռուսաստանը Հայաստանի 100 մլն պարտքը չզիջեց»:
Մանրամասները՝ տեսանյութում:
