Ղրղըզստանի նախագահ Ալմազբեկ Աթամբաևն ուսանողներին նախագահական թոշակներ հանձնելու ժամանակ հայտարարել է, որ Ղազախստանի նախագահ Նուրսուլթան Նազարբաևը մեղավոր է սահմանային խնդիրների մասին։ Հայտնում է BULAK.kg-ը։
Սահմանային խնդիրները սկսվել են հոկտեմբերի 10-ին։ Ղազախական կողմը հայտարարել է, որ ուժեղացված վերահսկողությունն իրականացվել է ԵԱՏՄ օրենսդրության շրջանակներում՝ կրճատելու համար «գորշ» ներկրման ծավալը։
Աթամբաևը հիշեցրել է, որ 1980-ականներին Ալմաթիում անցկացվել են բազմահազարանոց հանրահավաքներ՝ Մոսկվայից նշանակված ղեկավարի դեմ, և որ դրանց ժամանակ գրանցվել են բազմաթիվ տուժածներ։
Աթամբաևը հաստատել է, որ այսօր Ղազախստանի հետ սահմանին կան խնդիրներ՝ հավելելով, որ սխալ է ոմանց այն պնդումը, թե Ղրղըզստանի տրանսպորտային բոլոր ուղիներն անցնում են Ղազախստանի տարածքով։
Նա հայտարարել է, որ իրենք ունեն նաև այլ հարևաններ, հիանալի հարաբերությունների մեջ են Ուզբեկստանի, ինչպես նաև Չինաստանի ու Տաջիկստանի հետ։
Աթամբաևը ներողություն է խնդրել Նազարբաևից։ «Ես հավանաբար ճիշտ չեմ եղել, երն էմոցիոնալ խոսել եմ Ղազախստանի նախագահի մասին։ Ես այդ մասին մտածել եմ այս օրերին։
Ղազախստանի նախագահըհավատում է իր շրջապատին, իսկ նախագահի շրջապատը օլիգարխներ են։ Ըստ ամենայնի, նա իմ նման դյուրահավատ է»։
