«Ուրալյան ավիաուղիների» Ռոստով-Երևան չվերթի ժամանակ միջադեպ է տեղի ունեցել հայ ուղևորների և բորտուղեկցորդուհու միջև։ Մի խումբ ուղևորներ պաշտպանել են տղամարդուն, ում դուրս են հրավիրել ինքնաթիռից՝ բորտուղեկցորդուհու հետ վեճից պատճառով։
Ավիաընկերությունից հայտնում են, որ ինքնաթիռը թռիչքը ժամանակին չի կատարել այն պատճառով, որ հարբած ուղևորը խոչընդոտել է բորտուղեկցորդուհու աշխատանքին:
Նշվում է, թե բորտուղեկցորդուհին իբրև թե խնդրել է տոմսը ցույց տալ, տեղը նստել, իսկ նա չի ենթարկվել։ Բորտուղեկցորդուհին հեռացել և 40 րոպե անց վերադարձել ակտով, որում նշված է եղել, որ թռիչքի իրականացմանը խոչընդոտող ուղևորը հեռացվում է ինքնաթիռից։
Ուղևորներն իրադարձությունների նման ընթացքի իսկությունը չեն հաստատում՝ նշելով, որ աշխատակցուհին շատ կոպիտ է եղել։ Ուղևորներից մեկը նշել է, որ տեղի ունեցածը տեսանկարահանել է, և կարող է տրամադրել տեսագրությունը։ Թե ինչպես է հանգուցալուծվել կոնֆլիկտը, հայտնի չէ։
