Վրացական News Georgia կայքի փոխանցմամբ, նախորդ շաբաթ Վրաստան ժամանած ամերիկյան կոնգրեսականները հանդիպում են ունեցել պետական սահմանադրական հանձնաժողովի անդամների հետ և քննարկել երկրի Սահմանադրության նոր մոդելը։ Այս մասին հայտարարել է Վրաստանի խորհրդարանի մամլո ծառայությունը։
Նշվում է, որ Վրաստանի խորհրդարանը Սահմանադրության նոր մոդելը ընդունել է նախորդ տարվա հոկտեմբերին։ Այն ամբողջությամբ ուժի մեջ է մտնելու 2013 թվականին։ Կոնգրեսականները մանրամասնորեն իրազեկվել են նոր Սահմանադրությամբ նախատեսված՝ Վրաստանի օրենսդիր մարմնի լիազորությունների, մարմինների ինքնաղեկավարման, սեփականատիրության իրավունքի և դատական իշխանության մասին։
Հիշեցնենք, որ ամերիկյան կոնգրեսականները Թբիլիսի են ժամանել հունիսի 4-ին և Վրաստանի տարածքը լքելու են վաղը։ Պատվիրակության կազմում են հանրապետական Դևիդ Դրայերը (պատվիրակության ղեկավար) և դեմոկրատներ Դևիդ Փրայսն ու Բրդե Միլլերը։
