Թուրքիայի ոստիկանությունը հայտնել է Ստամբուլում ահաբեկչության կանխման մասին։ Ձերբակալվել են ԴԱԻՇ խմբավորման 3 անդամներ։
Հակաահաբեկչական գործողությունը, որի ընթացքում բերման է ենթարկվել 25 օտարերկրացի, անցկացվել է Թուրքիայում սեպտեմբերի 12-ին։ 3 անձիք, որից 2-ը՝ Ինդոնեզիայի քաղաքացիներ, 1-ը՝ սիրիացի, ձերբակալվել են ԴԱԻՇ-ի հետ կապերի կասկածանքով, մյուսներն արտաքսվել են։
Խուզարկության ժամանակ կասկածյալների մոտ իրավապահները հայտնաբերել են ինքնաշեն պայթուցիկ սարքի հավաքման հրահանգ։ Նման ռումբերը կիրառվել են ահաբեկիչների կողմից 2013 թվականի բոստոնյան մարաթոնի ժամանակ։
Չեչնիայից Ցարնաև եղբայրների կազմակերպած ահաբեկչական գործողությունը Բոստոնում տեղի էր ունեցել 2013 թվականի ապրիլի 15-ին։ Մարաթոնի ժամանակ 3 պայթյուն էր որոտացել, ինչի հետևանքով զոհվել էր 3, վիրավորվել՝ ավելի քան 280 մարդ։
