Աֆղանստանի բանակին աջակցություն ցուցաբերող ԱՄՆ ռազմաօդային ուժերի հարվածներից կարող են վիրավորված կամ զոհված լինել Քաբուլի օդանավականի մոտակայքի մի քանի խաղաղ բնակիչներ։ Այս մասին հայտնել է ՆԱՏՕ-ի «Վճռական աջակցություն» առաքելությունը։
Հաղորդվում է, որ գրոհայիններն այդ շրջանում ոչ միայն կիրառել են ականանետեր, այլև մահապարտի մի քանի գոտիներ պայթեցրել։ Բացի այդ, գրոհայինները խաղաղ բնակիչներին օգտագործել են որպես կենդանի վահան, փոխանցում է Interfax-ը։
«ԱՄՆ զինված ուժերն աջակցել են գործողությանն ու ավիահարված հասցրել։ Ցավոք սրտի, հրթիռներից մեկը ճիշտ չի աշխատել, ինչի հետևանքով կարող են լինել վիրավորներ կամ զոհեր»,-ասված է ՆԱՏՕ-ի առաքելության հայտարարությունում։
Նշվում է, որ ԱՄՆ ավիացիան հարվածել է գրոհայիններին, ովքեր գնդակոծել են Քաբուլի օդանավակայանը Պենտագոնի ղեկավար Ջեյմս Մետիսի և ՆԱՏՕ-ի գլխավոր քարտուղար Յենս Սթոլթենբերգի այցի ժամանակ։
