Պապուա-Նոր Գվինեայում ձերբակալել են Ռեքս Էրիկ անունով տղամարդուն, ով սպանել է իր երեքամյա դստերը, գրում է տեղական The Papua New Guinea Post-Courier հրատարակչությունը: Դեպքը տեղի է ունեցել հոկտեմբերի 9-ին, Լաե քաղաքում՝ ասվում է ոստիկանության հայտարարության մեջ:
Տղամարդուն սպանության և մարդակերության մեղադրանք է առաջադրվել: Սկզբում նա կծել է դստեր պարանոցը և սկսել է խմել նրա արյունը, ինչպես նաև կծոտել և կերել է երեխային: Հանցագործության մասին պատմել են երկու դեռահասներ, ովքեր նստած են եղել մոտակայքում գտնվող արմավենու վրա:
Տեղական պաշտոնյա Ջոն Քեննի խոսքերով, ով առաջիններից մեկն է ժամանալ դեպքի վայր, երեխայի մայրը դստերը բերել հոր մոտ: Հանդիպման ժամանակ տղամարդը գրկել է երեխային, թռել է պարսպի վրայով և անհետացել թփերում, որտեղ էլ կերել է երեխային: Երբ սկսել են մարդիկ հավաքվել, նա թողել է զոհին և փորձել է փախչել, սակայն ոստիկանությունը նրան ձերբակալել է:
Պապուա-Նոր Գվինեայում ժամանակ առ ժամանակ մարդակերության դեպքեր են գրանցվում, նշում է Agence France-Presse-ը: Մասնավորապես, 2012 թ. ոստիկանությունը մի քանի տասնյակ մարդկանց էր ձերբակալել, որոնց պաշտամունքի առարկային նվիրված ծիսակատարություններն ուղեկցվել էին մարդակերությամբ: Ենթադրաբար, նրանք նվազագույնը յոթ մարդ էին սպանել, կերել էին նրանց հում ուղեղները, իսկ առնանդամներից ապուր էին պատրաստել:
