Մատնահարդարման ոլորտում շարունակ արվող նորարարությունների թվում այս մեկն առանձնանում է։ Արդյունքում մատները վերածվում են դեմքի տարբեր արտահայտություններով, վարսահարդարված տիկնիկների, որոնց չնկատելն ուղղակի անհնար է։
Դրանք ստեղծվել են կորեացի Դեն Յունի կողմից, ով Instagram-ում 200 հազարից ավելի հետևորդ ունի։ Նա առավել հայտնի է իր խելահեղ բոդի արտով։ Լուսանկարները ներկայացնում է Boredpanda պորտալը։
Օգտատերերի արձագանքը նորույթին եղել է ոչ միանշանակ։ Ոմանք հետաքրքրվել են, թե սննդի ոլորտում նման մատնահարդարմամբ աշխատողներ կա՞ն, ոմանց հետաքրքրել է տանը և աշխատանքի վայրում դրանց պրակտիկ լինելը, իսկ ոմանք էլ նշել են, որ գաղափարը յուրօրինակ է, սակայն իրենք կբավարարվեն միայն դիտելով։
