2011թ. առաջին եռամսյակի վերջի դրությամբ գործող ArCa քարտերի քանակը, նախորդ եռամսյակի վերջի համեմատ, ավելացել է 4%-ով (12,146 քարտով) և կազմել 318,216: Այս մասին ասվում է օրերս ԿԲ հրապարակած 2011թ. առաջին եռամսյակի բանբերում։
Միջազգային քարտային համակարգերի քարտերի քանակը ավելացել է 8.5%-ով (35,892 քարտով). VISA-ն ավելացել է 10%-ով (27,096 քարտով) և կազմել 296,865, իսկ MasterCard-ը՝ 9%-ով (10,842 քարտով) և կազմել 126,785: Միջազգային այլ քարտերի քանակը նվազել է 5%-ով (2046 քարտով):
Քարտերով իրականացված գործառնությունների ծավալը, 2010թ. առաջին եռամսյակի համեմատ, ավելացել է 36.83%-ով (39 մլրդ դրամով), իսկ քանակը՝ 26%-ով (592,166): Շրջանառության մեջ գտնվող ArCa քարտերով իրականացվել է 1,227,235 գործառնություն՝ 48 մլրդ դրամ ծավալով:
ArCa քարտերով կատարված գործառնությունների ծավալը, նախորդ տարվա նույն ժամանակահատվածի համեմատ, ավելացել է մոտ 9.5%-ով (4 մլրդ դրամով), իսկ քանակը՝ 8.8%-ով (99,060-ով):