Մյունխենի «Բավարիա»-ի կիսապաշտպան Արյեն Ռոբենը հայտարարել է, որ իրենց թիմը «Բարսելոնա»-ի նոր տարբերակը չէ ու առանձնանում է իր խաղաոճով:
Ըստ Ռոբենի` չնայած Գվարդիոլայի գալուց հետո թիմի խաղաոճը նմանվել է կատալոնյան թիմի խաղաոճին, իրենք խաղացողների այլ խումբ ունեն, ովքեր առանձնանում են այլ որակներով:
«Բավարիա»-ն «Բարսելոնա»-ի շարունակությունը չէ և ոչ էլ նրա երկրորդ տարբերակն է: Այո, առաջին հայացքից նման համեմատությունը կարող է տրամաբանական թվալ, բայց մենք կենտրոնացած ենք մեր խաղի վրա: Մեր թիմի անունը «Բավարիա» է, որտեղ խաղում են «Բարսա»-ի խաղացողներից տարբերվող ֆուտբոլիստներ: Մենք Չավի կամ Մեսսի չունենք, բայց ունենք այլ հիասքանչ կատարողներ»,- ասել է Ռոբենը:
