Լոնդոնի «Արսենալ»-ի կիսապաշտպան Մեսութ Օզիլը հայտնել է, որ կարիք չկա մեծ նշանակություն տալ մրցաշարային աղյուսակում թիմի զբաղեցրած ներկայիս դիրքին: Հիշեցնենք` այս պահին լոնդոնյան ակումբն Անգլիայի առաջնության առաջատարն է և իր ակտիվում 16 միավոր է գրանցել:
«Շատ վաղ է խոսել հաղթանակի մասին: Ընթացիկ արդյունքը ոչինչ չի նշանակում: Մենք պետք է շարունակենք աշխատել և ջանք չենք խնայի` յուրաքանչյուր խաղում հաղթանակ տանելու համար:
Իմ կարծիքով` Անգլիայի Պրեմիեր Լիգան աշխարհի ուժեղագույն առաջնությունն է: Յուրաքանչյուր հաջորդ խաղն ինձ համար մարտահրավեր է: Վստահ եմ, որ խաղերի այսպիսի ռիթմն ինձ օգտակար կլինի»,- ասել է Օզիլը:
