ԱՄՆ նախագահ Բարաք Օբաման չորեքշաբթի երեկոյան հարցազրույցների շարք է տվել Վաշինգտոնի, Ռիչմոնդի, Ֆիլադելֆիայի և Տամպի ոչ մեծ հեռուստաալիքներին: Նա քննադատել է հանրապետականներին՝ բյուջետային բանակցություններում ստեղծված փակուղու համար: Այս մասին հաղորդում է Ria Novosti-ն:
«Դեռևս ոչ ոք ինձ չի բացատրել, թե ինչու պետք է փակել կառավարությունը բանակցությունների համար, և ոչ ոք չի բացատրել, թե ինչու պետք է բանակցությունների համար սպառնալիքի տակ դնել ԱՄՆ-ի վարկունակությունը»,- ասել է Օբաման:
Նրա խոսքերով՝ հնարավոր տեխնիկական դեֆոլտը կդառնա «կործանիչ հարված և կունենա երկարաժամկետ հետևանքներ»:
Նախագահը իր վրդովմունքն է հայտնել, որ բյուջետային կոլապսի պատճառով կառավարությունը չի կարողանում վճարել վետերանների թաղման համար, և խոստացել է կարգավորել վիճակը:
