Համացանցում հայտնվել է ռուսական շոու-բիզնեսի ներկայացուցիչներ Ալլա Պուգաչովայի ու Մաքսիմ Գալկինի երկվորյակներին լույս աշխարհ բերած կնոջ մի քանի լուսանկար:
30-ամյա Ելենա Շիրինինան՝ Կազանից, ներկայումս իրավամբ կրում է Ռուսաստանի ամենահայտնի փոխնակ մոր կոչումը:
«Ռոսիա-1» հեռուստաալիքի հետ զրույցում կինը պատմել է այն մասին, թե ինչպես է անցել ծննդաբերությունը և խոստովանել, որ իր համար դժվար չի եղել 9 ամիս սրտի տակ կրած երեխաներին նրանց տալը:
«Պետք է հոգեբանորեն նախապատրաստվել, իմանալ, որ դու երջանկություն ես բերում այլ մարդկանց: Դա նրանց երեխաներն են: Պարզապես ես օգնում են նրանց ծնվել: Երբ Աստված տալիս է հնարավորություն, ֆիզիկական վիճակ, ապա ինչու ոչ… Հնարավոր է՝ ես այնպիսի մարդ եմ, որ ինձ դժվար չէր երեխաներին տալը, քանի որ ես գիտեի, որ դրանով նրանց երջանկացնում եմ»,- ասել է Ելենա Շիրինինան:
Հիշեցնենք, որ Ալլա Պուգաչովայի ու Մաքսիմ Գալկինի երկվորյակները ծնվել են սեպտեմբերի 18-ին:
