«Ես Թուրքիայում փորձագետների հետ քննարկումների ընթացքում տպավորություն ստացա, որ հայ-թուրքական հարաբերությունները իրենց առաջնահերթությունները երբեք չեն եղել և այսօր առավել ևս առաջնահերթություն չեն»,- «Առաջին լրատվական»-ի հետ զրույցում ասաց ՄԱՀՀԻ փորձագետ Գևորգ Մելիքյանը։
Նրա խոսքով՝ այս պահին Թուրքիան շատ ավելի կարևոր խնդիրներ ունի լուծելու, քան հայ-թուրքական հարաբերություններին անդրադառնալն է։
Մելիքյանն ընդգծում է՝ Հայաստանում շատ պարզ մոտեցում կա՝ եթե Թուրքիան կիսվի, ապա դրանից մենք կշահենք. «Դա պրիմիտիվ մոտեցում է։ Լավ կլիներ, որ Հայաստանում մտածեին Հայաստանի կիսվելու հեռանկարների մասին, Հայաստանից գնացողների մասին, քան Թուրքիայի նման պետության։ Հայկական կողմի այդ նաիվությունը՝ և՛ քրդական հարցում և՛ թուրքական, շատ սխալ է։ Նստել սպասում են, որ գերտերությունները կմասնատեն Թուրքիան, բայց նույն հաջողությամբ կարող են մասնատել Հայաստանը»։
Հարցազրույցն ամբողջությամբ՝ տեսանյութում:
