Մոսկվայի «Արարատ» ակումբի նախկին նախագահ Վալերի Հովհաննիսյանը վստահեցրել է, որ թիմը կխաղա մինչև մրցաշրջանի ավարտը: Օրեր առաջ Վալերի Հովհաննիսյանը հրաժարական էր տվել, որից անմիջապես հետո մեղադրեցին նրան ակումբից 20 մլն ռուբլի յուրացնելու մեջ: Ավելի ուշ թիմի գլխավոր մարզիչ Ալեքսանդր Գրիգորյանը ասել է, որ «Արարատը» կդադարեցնի գործունեությունը «Ռյազան»-ի հետ հանդիպումից հետո:
« Ես շուտով կփորձեմ վերադառնալ: «Արարատը» կապրի: Ի վերջո, ինչպես ասացի, բանակցում եմ հովանավորների հետ, թիմը քաղցի կարիք չի զգա: Իսկ այն ինչ հայտարարել է Ալեքսանդր Գրիգորյանը ակումբի լուծարման հետ կապված, նույնիսկ մոտ չէ իրականությանը: Մենք խաղալու ենք մինչև առաջնության ավարտը: Սակայն դեռ պարզ չէ, թե ինչ կազմով: Ակումբում կան բարձր վարձատրվող ֆուտբոլիստներ և, եթե չկարողանանք գտնել խոշոր ներդրող, կփորձենք խաղացողներին առաջարկել այլ ակումբների: «Արարատ»-ը ունի հրաշալի ֆուտբոլիստներ, որոնք լավ առաջարկներ կարող են ստանալ:Ես չեմ ուզում նշել անունները, կլինի դա Պավլյուչենկոն կամ Իզմայլովը թե մեկ ուրիշը: Պետք է ապրենք և աշխատենք, փորձենք նեդրողներ գտնել, չէ որ ժամանակին դա ինձ հաջողվել էր: Տգեղ պատմություն ստացվեց: Հասկացեք, չեմ ցանկանում ոչ-ոքի հետ պատերազմել: Պայմանավորվել էինք, համաձայնության եկել, բայց այժմ իրականությունը այլ է: Հենց այպես չեմ կարող վերդառնալ, որովհետև ինձ սպառնացել են. եթե վերադառնամ դժոխային կյանք կունենամ՝ կամ կսպանեն, կամ բան կուղարկեն: Չեմ ցանկանում ինչ-որ մեկի քմահաճույքի պատճառով կյանքս վտանգել: Ես ենթադրում էի, որ նման իրավիճակ կստեղծվի, երբ «Արարատ»- դուրս կգա Պրեմիեր լիգա, սակայն ինչ-որ մեկը ավելի վաղ որոշեց թաթը դնել ակումբի վրա», – ասել է Մոսկվայի «Արարատ» ակումբի նախկին նախագահ Վալերի Հովհաննիսյանը:
