Կասպրշիկը և առհասարակ ԵԱՀԿ ներկայացուցիչները խնդիր ունեն բալանսը պահելու, հասցեկան հայտարության դեպքում մյուս կողմը դժգոհելու է: Այս մասին «Առաջին լրատվական»-ի հետ զրույցում ասաց Թաֆթս համալսարանի Ֆլետչերի իրավունքի և դիվանագիտության դպրոցի գիտաշխատող, քաղաքագետ Սուրեն Սարգսյանը՝ անդրադառնալով ԵԱՀԿ գործող նախագահի անձնական ներկայացուցիչ Անջեյ Կասպրշիկի գրասենյակի հայտարարությանը, թե օգոստոսի 31-ին Չինարիում գտնվելով գյուղի կենտրոնում և շրջապատված լինելով շենքերով ու բլուրներով՝ մենք անկարող էինք հաստատել, թե որ կողմից էին գալիս կրակոցի ձայները և թե ովքեր էին կրակողները:
«Կասպրշիկը լինելով ընդհանուր գործընթացի ԵԱՀԿ ներկայացուցիչ, մարդ որը մշտապես ներգրավված է եղել այս գործընթացներում փայլուն պատկերացում ունի, թե իրականում ինչ է կատարվում նույնիսկ եթե չի լսել կրակոցը որտեղից է գալիս, բոլորը այդ թվում ԱՄՆ, ՌԴ-ն , Ֆրանսիան, ունենալով աշխարհի ամենահզոր հետախուզությունը, լավ տեղեկացված հատուկ ծառայությունները վստահաբար գիտեն, թե ով գիտի որ կողմը ինչ գործողություններ է իրականացնում»,-մանրամասնեց նա:
Սուրեն Սարգսյանի դիտարկմամբ՝ հայտարարության պատճառները մի քանի տեսանկյունից պիտի դիտարկել և շատ կարևոր է հասկանալ նաև Ադրբեջանի մարտավարությունը:
«Ադրբեջանը հասկանում է, որ քանի կա Մինսկի խմբի ձևաչափը և քանի խնդրով զբաղվում են ԱՄՆ-ն, ՌԴ-ն, Ֆրանսիան չի կարող անել , այն ինչին ձգտում է: Եթե Մինսկի խումբը չլինի, բանակցությունները տեղափոխվելու են այլ հարթակ՝ ՄԱԿ և մեր արտաքին դիվանագիտությունը պայքարում է դրա դեմ:
Մանրամասները՝տեսանյութում
