Սեպտեմբերի 24-ին կայանալիք Բունդեսթագի ընտրություններին կմասնակցի ծագումով թուրք 92 գործիչ: Ազգությամբ թուրք թեկնածուների քանակն այս անգամ ռեկորդային է։ Նախորդ ընտրություններին կար ավելի քիչ թեկնածու, և արդյունքում ընտրվեց ընդամենը 11 թուրք պատգամավոր:
Այս ընտրությունների արդյունքում սպասվում է, որ խորհրդարան կանցնի ազգությամբ թուրք 15 պատգամավոր: Այս մասին հայտնում է ermenihaber.am-ը։
Մասնավորապես, երկրի «Սոցիալ դեմոկրատական կուսակցությունից» (SPD) Համբուրգից առաջադրվելու է Ջանսելմ Քըզըլթեփեն և Գերմանիայի միգրացիայի և ինտեգրման հարցերով թուրք նախարար Այդան Օզողուզը, «Կանաչների» կուսակցությունից՝ Ջեմ Օզդեմիրը, ինչպես նաև Էքին Դելիգյոզը: «Ձախերի» կուսակցության թեկնածուների ցուցակում է լինելու Սեվիմ Դաղդելենը: Վերջինս հայտնի է Թուրքիայի նախագահ Ռեջեփ Թայիփ Էրդողանի հանդեպ իր կոշտ վերաբերմունքով։
