Նախորդ շաբաթվա ընթացքում ներդրողները 3.1 միլիարդ դոլար են հանել ԱՄՆ-ում տեղակայված հիմնադրամներից: Պատճառը ԱՄՆ-ի կառավարության աշխատանքի դադարեցումն է՝ հաղորդում է vestifinance.ru-ն:
Հիմնադրամներից միջոցների արտահոսքն առաջինն է այս ամսվա ընթացքում:
ETF բորսային հիմնադրամները գրանցել են 2.8 միլիարդ դոլարի արտահոսք, ընդ որում՝ արտահոսքի մեծ մասը բաժին է ընկել SPDR S&P 400 ETF MidCap-ին՝ 1.4 միլիարդ դոլար:
Հիմնադրամները, որոնք հիմնականում ներդնում են Treasurie-ում, կորցրել են 2.2 միլիարդ դոլար, ինչն ամենաբարձր ցուցանիշն է ութ շաբաթվա ընթացքում: Ներդրողներին վախեցնում է դեֆոլտի հավանականությունը ԱՄՆ-ում:
Իսկ հոսք գրանցվել է ճապոնական ընկերությունների հիմնադրամներում` 177 միլիոն դոլար, չնայած այն հանգամանքին, որ Nikkei-ի ինդեքսը մեկ շաբաթվա ընթացքում կորցրել է 3.1%:
Թանկարժեք մետաղներում և ապրանքներում ներդրումներ ընդունող հիմնադրամները կարողացել են պահել ներդրողներին, մասնավորապես՝ այն բանից հետո, երբ ոսկու գինը նվազեց 1300 դոլարից:
