Անցած գիշեր Սիդնեյի կենտրոնում բարբարոսները պղծել են մի քանի հուշարձաններ, որոնց թվում՝ նավապետ Կուկի արձանը։ Այդ մասին շաբաթ օրը հայտնել է Նոր Հարավային Ուելս նահանգի ոստիկանության ներկայացուցիչը։ Նա տեղեկացրել է, որ ոստիկանությունը այդ դեպքով հետաքննություն է սկսել։
ԶԼՄ-ների տեղեկություններով՝ անհայտ անձինք աերոզոլային ներկով մասնավորապես Կուկի արձանի պատվանդանին գրել են՝ «Փոխեք ամսաթիվը» և «Ցեղասպանությամբ պարծենալու կարիք չկա»։
Վերջին օրերին ծավալվել է դաժան բանավեճ, որի նախաձեռնողը հեռուստահաղորդավար Սթեն Գրանտն էր։ Նա առաջարկել էր զբոսայգուց ապամոնտաժել արձանը, ընդ որում՝ նրա զայրույթը հարուցում էր ոչ թե արձանը, այլ դրա վրայի գրությունը, թե Կուկը «հայտագործել է այդ տարածքը 1770 թ.»։
Ապամոնտաժման կողմնակիցները նշում են, որ Ավստրալիան հայտնագործել է ոչ թե Կուկը, այլ տեղաբնակները մոտ 60 հազար տարի առաջ։
Բանավիճային մյուս թեման վերաբերում է հունվարի 26-ին նշվող Ավստրալիայի օրվան։ Պատճառաբանվում է, որ այդ օրը Ավստրալիայի բնիկների համար խորհրդանշում է օկուպացումն ու գաղութացումը։
Ավստրալիայի վարչապետ Մալկոլմ Թյորնբուլը խիստ քննադատության է ենթարկել այդ տեսակետները՝ ասելով, որ այդ հուշարձանները իրենց պատմության վկայությունն են, և իրենք էլ, որպես ավստրալացիներ, նշում են այդ տոնը մեծ հպարտությամբ։
