Կապոշվար քաղաքի հունգարացի ուսանողները միայն ներքնազգեստ հագած սեմինար են անցկացրել ընդդեմ դրեսկոդի, որը հոկտեմբերի 1-ից սահմանել է բուհի ղեկավարությունը: Այս մասին հայտնում է Budapest Business Journal պարբերականը:
Ուսանողներն ու 1 կին դասախոս ակցիան անցկացրել են հոկտեմբերի 3-ին: «Մերկ սեմինարի» վիդեոտեսագրությունը հայտնվել է Կապոշվարի Kapos Pont հեռուստաալիքում:
Ինչպես երևում է տեսագրությունից, պարապմունքի ժամանակ որոշ ուսանողներ գերադասել են հանել իրենց ողջ հագուստը:
Բողոքի ակցիային մասնակցել է 11 մարդ: Մտնելով լսարան՝ նրանք հանվել են ու անցկացրել պարապմունքը՝ ծածկվելով դասագրքերով:
Համաձայն բուհի նոր որոշման՝ ուսանողներին ու դասախոսներին արգելվում է բուհի տարածքում հայտնվել կարճ փեշերով, խոր դեկոլտեով զգեստով ու սանդալներով, իսկ տղամարդիկ պետք է կրեն միայն մուգ գույնի կոստյումներ, հայտնում է BBC News-ը:
