ՀՀ Աշխատանքի և սոցիալական հարցերի նախարարության «Զբաղվածության պետական ծառայություն» գործակալության աջակցությամբ այսօր կազմակերպվել է աշխատանքի տոնավաճառ՝ DigiTec Expo ամենամյա միջազգային տեխնոլոգիական ցուցահանդեսի շրջանակներում:
Այն ընկերությունները, որոնք ներկայացնում են 4 և ավելի թափուր աշխատատեղ, տոնավաճառին անվճար են մասնակցում: Տոնավաճառը կշարունակվի նաև վաղը և մյուս օրը՝ Երևանի մաթեմատիկական մեքենաների գիտահետազոտական ինստիտուտի («Մերգելյան ինստիտուտ») նորաբաց «Երևան էքսպո» ցուցահանդեսային համալիրում:
Կազմակերպիչների խոսքով՝ ակնկալվում է, որ այս տարի DigiTec Expo ցուցահանդեսի այցելուների թիվը կհասնի 26.000-ի, որոնց մոտ 70%-ը ուսանողներ և բարձր որակավորում ունեցող մասնագետներ կլինեն: