Հյուսիսային Հունաստանում հնագետները հայտնել են հնագույն կերամիկայի բեկորների վրա գինու մնացորդների հայտնաբերման մասին: Այս մասին հայտնում է The Huffington Post-ը՝ հղում անելով տեղի աղբյուրներին:
Նմուշների փորձաքննությունը ցույց է տվել գինու թթվի առկայություն, որն ապացուցում է ըմպելիքի պատրաստման փաստը: Գտածոյի հստակ տարիքը որոշելու համար կիրառվել է ռադիոածխածնային վերլուծություն:
Հետազոտողները կարծում են, որ գտածոն կօգնի տեղեկություն ստանալ գյուղատնտեսության վաղ զարգացման մասին: Դա կարող է լույս սփռել նաև սոցիալական փոփոխությունների վրա, որոնք կարող էին տեղի ունենալ ալկոհոլային ըմպելիքների օգտագործման ազդեցությամբ՝ ասել է հետազոտության ղեկավար Դիմիտրա Մալամիդուն:
Պեղումները կատարվում են նախապատմական բնակավայրում, որը հայտնի է որպես Դիկիլի Տաշ: Այն գտնվում է Ֆիլիպի քաղաքից 1.2 կմ հեռավորության վրա:
