ԱՄՆ նախագահ Բարաք Օբամայի հանդիպումը Կոնգրեսի առաջնորդների հետ չի նպաստել կառավարության աշխատանքի վերսկսման համար պայմանավորվածությունների ձեռք բերմանը: Կառավարության ֆինանսավորման դադարեցումը տեղի էր ունեցել շաբաթվա սկզբին:
«Նախագահը ևս մեկ անգամ կրկնել է, որ ինքը պայմանավորվածության չի գա (մեզ հետ)»,- ասել է Ներկայացուցիչների պալատի խոսնակ Ջոն Բոհները: Այս մասին փոխանցում է Reuters գործակալությունը:
Օբաման Կոնգրեսի հանրապետականներից պահանջում է պետապարատի ծախսերի հաստատումը չկապել առողջապահական բարեփոխման պարամետրերի վերանայման հետ: Կոնգրեսականները դրան համաձայն չեն:
Օբաման հայտարարել է, որ զայրացած է հանրապետականների հետ պայմանավորվածության ձեռք բերման փորձերի ձախողումից: Հաղորդագրության մեջ նշվում է, որ Օբամայի կարծիքով՝ կառավարական հաստատությունների աշխատանքի մասնակի դադարեցումից լիովին հնարավոր էր խուսափել:
Հաղորդվում է, որ ԱՄՆ նախագահը նախազգուշացրել է դեֆոլտի վտանգի մասին:
