Քարդաշյան ընտանիքի հետ կապված սկանդալները շարունակվում են. ավելի վաղ Լամար Օդոմի հայրը մեղադրել էր Քրիս Ջեններին և նրա դուստրերին իր որդու վրա վատ ազդեցություն ունենալու մեջ, իսկ այժմ հայտնի է դարձել, որ աստղային ընտանիքը դատարանում տանուլ է տվել Քարդաշյան-ավագի նախկին կնոջ դեմ ներկայացված հայցը:
Ամեն ինչ սկսվել է մի քանի ամիս առաջ, երբ Քարդաշյանների ընտանիքը հայց էր ներկայացրել Էլլեն Քարդաշյանի դեմ»՝ 500 հազար դոլար վճարելու պահանջով՝ որպես «բարոյական վնաս: Քրիս Ջենները և նրա դուստրերը Ռոբերտ Քարդաշյանի նախկին կնոջը մեղադրում են «իրենց կարողությունը յուրացնելու մեջ»:
Ինչպես տեղեկացնում է աղբյուրը, խոսքը Ռոբերտի որոշ լուսանկարների վաճառքի և դրանք որոշ հրատարակչություններում հրապարակելու մասին է:
Այս վեճի ժամանակ դատավորը մերժել է հայցը: Այսպիսով, Քարդաշյան ընտանիքը կես միլիոն դոլար չի ստանա: Հարկ է հիշեցնել, որ միսիս Քարդաշյանը Քիմի, Քլոյի և Քորթնիի հոր կինն է եղել նրա կյանքի վերջին երկու տարիներին:
Սակայն անցած հանգստյան օրերին այս հայտնի ընտանիքում հաճելի դեպքեր էլ են տեղի ունեցել: Լամար Օդոմի հայրը՝ Ջոն, ներողություն է խնդրել անցյալում իր վարքի համար և այն բոլոր բառերի համար, որոնք իրեն թույլ է տվել արտաբերել հարցազրույցում: Նա խոստովանել է, որ իր բոլոր մեղադրանքներն անհիմն են:
