«Օգտվելով հարմար առիթից՝ Երևանի քաղաքապետը որոշեց հետ չկանգնել իր որոշումից և նորից առաջ բրթել տրանսպորտի ուղեվարձի թանկացման խնդիրը: Դաս չքաղելով, թե դա ինչ հետևանքներ կունենա՝ ձևավորել են հանձնաժողով, որը պետք է քննի ուղեվարձի թանկացման հարցը»,- այսօր Մաշտոցի պուրակում հրավիրված քննարկմանն այս մասին ասաց քաղաքացիական ակտիվիստ Արգիշտի Կիվիրյանը:
Նրա խոսքերով՝ հանձնաժողովում ընգրկված է մարդ, որի պաշտոնանկությունը երկու ամիս է՝ պահանջում են նստացույց անող տղաները, ընդգրկված է Գևորգ Մելքոնյանը, ով հարձակվում էր դասադաուլ հայտարարած ուսանողների վրա. «Կան մարդիկ, որոնք իշխանությունների հետ կապ չունեն, բայց հիմնական կորիզը իշխանական մանկլավիկներն են, որոնք կլեգիտիմացնեն այն որոշումը, որն իրենց կհրամայի Տարոն Մարգարյանը»:
Կիվիրյանը հավելեց, որ հասարակությունն ավելի կոշտ ձևով պետք է պատասխանի, դուրս գա փողոց և պայքարի. «Դա է հաղթանակի գրավականը, հանրային հանձնաժողովն ունի իր դերը, բայց այն չի կարող փոխարինել ռեալ պայքարին: Միայն ռեալ պայքարը ստիպեց Տարոն Մարգարյանին հետ կանգնել:Այս պարագայում պայքարը պետք է լինի ավելի կոշտ, որ այն տրամաբանական ավարտին հասցվի, որ մի քանի տարի հետո ոչ ոք այս չկրկնի: Մեկընդմիշտ պետք է լուծել այս հարցը»:
Մանրամասները դիտեք տեսանյութում:
