Իրանի նախագահ Հասան Ռուհանին կարգադրել է ուսումնասիրել Իրանից ԱՄՆ ուղիղ ավիաչվերթի իրականացման հնարավորությունը: Այս մասին հայտարարել է Իրանի քաղաքացիների հարցերով գերագույն խորհրդի ղեկավար Աքբար Տորկանը, ով բնակվում է արտերկրում՝ հայտնում է Fars News-ը:
Տորկանի խոսքով՝ նախագահը հանձնարարել է հեշտացնել երկրի քաղաքացիների տեղաշարժն աշխարհում ՝ նրանց հարմարավետության համար:
Վերջին մի քանի տասնամյակներում առաջին անգամ Իրանի ու ԱՄՆ նախագահներն օրերս առաջին անգամ հեռախոսազրույց էին ունեցել: Նրանք զրուցել էին սեպտեմբերի 28-ին՝ մինչ Նյու Յորքից Ռուհանիի մեկնելը:
Կողմերն ընդգծել են միջուկային ծրագրի հարցով Իրանի հետ Արևմուտքի դիմակայության լուծումն արագացնելու համար քաղաքական կամքի անհրաժեշտությունը:
