Ամերիկացի էլեկտրատեխնիկները մշակել են անլար համակարգ, որն ընդունակ է ֆիքսել միայնակ և տարեց մարդկանց ընկնելու փաստը և շտապօգնություն կանչել:
65 և ավելի տարիքով մարդկանց համար ընկնելը դառնում է վնասվածքների ու մահվան հիմնական պատճառ: Սարքավորումների մեծ մասը վերահսկում է միայն մարդու դիրքը և պահանջում սեղմել կոճակը՝ օգնության կանչի համար: Դա միշտ հնարավոր չէ, հատկապես, երբ մարդ կորցնում է գիտակցությունը: Համաձայն հետազոտության, որն անցկացվել է 2008 թ.-ին, մարդկանց 80%-ը ընկնելու ժամանակ չի օգտագործել ահազանգի կոճակը և ստացել է վնասվածքներ:
Լոնդոնում ցուցահանդեսի ժամանակ Յուտ համալսարանի տեխնիկները ներկայացրել են ընկնելը հայտնաբերող նոր սարքավորման նախատիպը, որի հաղորդիչները անլար են: Սարքավորումները ռադիոազդանշաններ են արձակում այն ամենից, ինչ գտնվում է սենյակում:
Համակարգը հնարավոր է այնպես հարմարեցնել, որ այն կարողանա ահազանգ ուղարկել շտապօգնությանը, երբ ընկնելու նման շարժում է կատարվում:
