Գայոլա են կոչվում Իտալիայի ափերի մերձակայքում Պասիլիպո հրվանդանին մոտ գտնվող երկու փոքր ժայռոտ կղզիները: Դրանցից մեկի վրա ոչ մեծ վիլլա է կառուցված, մյուսը՝ անմարդաբնակ է: Կղզիները միացված են քարե կամրջով:
Գայոլան գեղատեսիլ և հանգիստ է թվում, սակայն դրա հետ շատ մռայլ պատմություն է կապված, իսկ տեղաբնակները կարծում են, որ կղզին անիծված է: 20-րդ դարի սկզբին վիլլայի սփականատերը ոմն Հանս Բրաունն էր, ով այստեղ սպանված և գորգի մեջ փաթաթված էր հայտնաբերվել: Շուտով նրա կինը խեղդվել էր ծովում:
Այնուհետև վիլլան գնել էր դեղագործ Մորիս Սանդոզը, ով որոշ ժամանակ անց Շվեյցարիայում ինքնասպան էր եղել: Վիլլայի հաջորդ սեփականատերերն այն գնելուց անմիջապես հետո սնանկացել էին:
Որոշ ժամանակ Գայոլան պատկանել է Ֆիատա Ջանի Անյելիին, սակայն որդու ինքնասպանությունից և սիրելի զարմիկի քաղցկեղից մահանալուց հետո նա վաճառել է կղզին: Դրանից հետո վիլլայում այլևս ոչ ոք չի ապրում:
Անեծքի հետ կապված այս պատմությունը շատ զբոսաշրջիկների է գրավում դեպի կղզի, ովքեր զմայլվում են զարմանալի կամրջակով, որը կարծես օդից կախված լինի:
