Պոլսո Հայոց պատրիարքի ընտրությունների կազմակերպչական գործընթացը վարող խմբի մամուլի խոսնակ Սեպուհ Ասլանգիլը «Ակօս» պարբերականի հետ զրուցել է պատրիարքի ընտրությունների կազմակերպման գործընթացի ներկա վիճակի ու առաջընթացի մասին:
Ասլանգիլը նշել է, որ ներկա պահին խումբն աշխատում է ընտրողների ցուցակների վերանայման ու թարմացման վրա. հարկավոր է արձանագրել ընտրության իրավունք ունեցող հայ քաղաքացիների անունները, ցուցակները զտել մահացածների կամ արտագաղթածների անուններից:
Ստամբուլահայերն այս ընթացքում ընտրության իրենց իրավունքն ու ցուցակներում իրենց անունը հաստատելու համար պետք է դիմեն համապատասխան եկեղեցական հիմնադրամներ։
Թուրքիայի ՆԳՆ-ի կողմից Պոլսո Հայոց պատրիարքի ընտրության համար պաշտոնական հրամանի տարածումից հետո կնշանակվի ընտրությունների օրը:
«Եթե որևէ խոչընդոտ չառաջանա` ընտրությունները կարող են կայանալ նոյեմբերի վերջին կամ դեկտեմբերի սկզբին», – նշել է Ասլանգիլը:
