Վրացական GHN լրատվական գործակալության փոխանցմամբ, վրացական ընդդիմության առաջնորդներից, խորհրդարանի նախկին խոսնակ Նինո Բուրջանաձեն հայտարարել է, որ իր ամուսինը՝ Վրաստանի Սահմանապահ ոստիկանության նախկին պետ Բադրի Բիցաձեն դատապարտվել է երկամսյա պայմանական ազատազրկման.
«Դատական գործընթացը կայացել է այսօր առավոտյան, ժամը 10.00-ին։ Ոչ ոք այդ մասին ինձ տեղյակ չի պահել։ Դա դատարանի կողմից օրենքի հստակ խախտում է, քանի որ նրա նշած 48 ժամը չէր ավարտվել։ Վրաստանում չի գործում օրենքը։ Վրաստանում գոյություն ունի միայն Միշայի (նախագահ) ու Վանոյի (ՆԳ նախարար) ճշմարտությունը։
Սաակաշվիլին ցանկանում է պատանդ վերցնել իմ ընտանիքի անդամներին։ Նա քաջ գիտակցում է, որ ես կանգ չեմ առնի և կշարունակեմ իմ պայքարը մինչև վերջ։ Ձերբակալված է Վրաստանի կեսը, և եթե դրան ավելացնենք Բիցաձեին, ապա դա ոչինչ չի փոխի։ Եթե ձերբակալեն իմ ընտանիքի անդամներին, ապա առավել վատ կլինի իրենց համար, քանի որ եթե ես էլ ողջ չլինեմ, ապա ժողովուրդը կմնա և կպայքարի մինչև վերջ»։
Հիշեցնենք, որ Բադրի Բիցաձեի գտնվելու վայրն անհայտ է մայիսի 28-ից։
