56-ամյա տղամարդը, ով 2 տարի տանջվել է մաշկի հիվանդության պատճառով, պարզել է, որ դրա պատճառը թունավոր բազկաթոռն է, որը նա գնել է eBay համացանցային աճուրդի միջոցով:
Երկու տարի Ուիլյամ Հարինգթոնը տառապել է ամբողջ մարմնով տարածված ցավոտ և քոր եկող վերքերից: Նրան բուժող բժիշկը եկել է այն եզրակացության, որ Հարինգթոնը շփման մեջ է եղել ինչ-որ թունավոր իրի հետ:
Վերջ ի վերջո տղամարդը պարզել է, որ իր գնած բազկաթոռը թունավոր կահույքի խմբաքանակի մեջ է եղել, որն առգրավվել է խանութներից՝ ալերգիկ ռեակցիաների վերաբերյալ բազմաթիվ բողոքների պատճառով:
Mail Online-ի հետ հարցազրույցում նա ասել է, որ երբեմն իրեն թվում էր, թե ամբողջ մարմինը վառվում է:
