Եվրամիության հարցերով Թուրքիայի նախարար Էգեմեն Բաղըշը հայտարարել է, որ իր երկիրը, «ամենայն հավանականությամբ, չի կարողանա մտնել ԵՄ»: Այս մասին տեղեկացնում է Reuters-ը:
Սա նման մակարդակի պաշտոնյայի առաջին հայտարարությունն է, որը վերաբերում է երկրի՝ ԵՄ-ին անդամակցությանը:
Գործակալության հաղորդմամբ՝ այս հայտարարությունը փաստացի խաչ է քաշում միության կազմում ընդգրկվելու՝ 1987-ից շարունակվող բանակցությունների վրա:
Նախարարի խոսքով՝ Թուրքիայի գլխավոր խնդիրը «մի շարք եվրոպական շուկաներում, օրինակ՝ նորվեգականում, արտոնություններ ստանալու փորձն է»:
