Մոսկվայի Պերսնենսկի դատարանը վճռել է մինչև օգոստոսի 24-ը երկարաձգել հայազգի գործարար Արամ Պետրոսյանի կալանքի ժամկետը, որն անցյալ տարվա ամռանը «Սիթիբանկ»-ի Մոսկվայի մասնաճյուղում պատանդներ էր վերցրել։ Այս մասին հայտնում է RIA Novosti-ն։
Միջնորդությունը հիմնավորելիս քննիչը պնդել է, որ քրեական գործը հատուկ բարդություն ունի, սակայն դատավորից նկատողություն է ստացել նախաքննությունը երկարաձգելու պատճառով։
Պետրոսյանն իրեն մեղավոր է ճանաչում պատանդառման համար, իսկ ահաբեկչության սպառնալիքի համար՝ ոչ։
2016 թվականի օգոստոսին Պետրոսյանը Մոսկվայի «Սիթիբանկ»-ի մասնաճյուղում 4 մարդու էր պատանդել՝ սպառնալով պայթեցնել բանկը, այնուհետև նա ազատ էր արձակել պատանդներին ու հանձնվել իրավապահ մարմիններին։
