ԱՄՆ-ը թույլ է տվել Վենեսուելայի նախագահին Չինաստան մեկնել Պուերտո Ռիկոյի օդային տարածքով: Այս մասին հաղորդում է Reuters-ը: Ավելի վաղ Նիկոլաս Մադուրոն հայտարարել է, որ Միացյալ Նահանգների իշխանությունները թույլ չեն տալիս նախագահական ինքնաթիռին թռչել Պուերտո Ռիկոյի օդային տարածքով:
ԱՄՆ Պետդեպարտամենտի մամլո քարտուղար Մարի Հարֆը նշել է, որ թռիչքի համար թույլտվություն տրվել է՝ չնայած հարցման անպատշաճ ձևակերպմանը:
Հարֆի խոսքերով՝ թռիչքի վերաբերյալ հարցումը ներկայացվել է դրանից ընդամենը 1 օր առաջ՝ նախատեսված 3-ի փոխարեն: Բացի այդ, ինքնաթիռը, որով Վենեսուելայի նախագահը Չինաստան է մեկնում, պետական օդային տրանսպորտային միջոց չէ, ինչպես դա պահանջվում է դիվանագիտական արձանագրության մեջ՝ հավելել է մամլո քարտուղարը:
