Հայաստանի Հանրապետության անկախության hռչակման 22-րդ տարեդարձի կապակցությամբ ծառայողական պարտականությունները և առաջադրանքները պատշաճ կատարելու համար, սեպտեմբերի 20-ին ՀՀ գլխավոր հարկադիր կատարող գեներալ-մայոր Միհրան Պողոսյանը ԴԱՀԿ ապահովող ծառայության 34 աշխատակիցների խրախուսել է շնորհակալագրերով, 1 հարկադիր կատարողի՝ արտահերթ կոչումով, 4-ին՝ հուշանվերով, իսկ 3 աշխատակցի խրախուսել դրամանական պարգևատրումով:
ՀՀ գլխավոր հարկադիր կատարողը շնորհավորել է աշխատակիցներին գալիք տոնի՝ Հայաստանի Հանրապետության անկախության 22-րդ տարեդարձի առթիվ՝ մաղթելով նրանց առողջություն, կամք և վճռականություն հայոց անկախ պետականության ամրապնդման գործում:
Պարգևատրման արարողությունից հետո ԴԱՀԿ ապահովող ծառայությունում իրականացվող բարեփոխումների շրջանակում վերաբացվել են Ծառայության՝ վերանորոգված, տեխնիկապես վերազինված Պետական եկամուտների հայցերով բռնագանձումների, Շենգավիթ, Ալիմենտի բռնագանձման բաժինները: Այդ բաժինների հարկադիր կատարողները ևս այսուհետ կաշխատեն բարելավված աշխատանքային պայմաններում: ՀՀ գլխավոր հարկադիր կատարող Միհրան Պողոսյանը շրջայց է կատարել բաժիններում, ծանոթացել աշխատանքային նոր պայմաններին: Հանձնարարվել է մեկ տարվա ընթացքում ավարտին հասցնել Ծառայության՝ դեռևս չհիմնանորոգված մի քանի բաժինների վերանորոգման աշխատանքները:
