Բալթյան երկրներում անհանգստացած են, որ «Մաշան և արջը» ռուսական մուլտֆիլմը հիբրիդային պատերազմի մաս է հանդիսանում, որը վարում է Մոսկվան: Այդ մասին հայտնում է Helsingin Sanomat-ը:
Յուրաքանչյուր սերիայում բարեհոգի արջը ազատվում է դժվար իրավիճակից, որտեղ նրան գցում է Մաշա անունով փոքր աղջիկը: «Դե ինչ, եթե արջ, դա բոլորովին էլ արջ չէ, իսկ Ռուսաստա՞նը»,- հարց է տալիս հոդվածի հեղինակը:
Ինչպես պատմել է պարբերականին տված հարցազրույցում Տալինի համալսարանի կապի ինստիտուտի դասախոս Պրիտ Հիբեմյագին, Էստոնիայում արջը խորհրդանշում է Ռուսաստանը: Փորձագետը վստահ է, որ «Մաշան և արջը» մուլտսերիալում խոսքը գնում է Մոսկվայի կողմից «մեղմ ուժի» օգտագործման մասին:
«Դա մտքերի պայքար է, հիբրիդային ազդեցության մաս, որտեղ Ռուսաստանի բացասական կերպարը փոխարինվում է դրականով: Ռուսաստանի ուղերձը ընդունվում է առանց ֆիլտրերի: Ռուսաստանը հրաշալի երկիր է, որտեղ ապրում են Մաշան և արջը»,- հայտարարել է դասախոսը:
«Երեխաներին Ռուսաստանի դրական կերպար պարտադրելը վտանգավոր է Էստոնիայի անվտանգության համար: Եթե Ռուսաստանը իրեն բարեկամական պահեր, ամեն ինչ հրաշալի կլիներ»,- վստահ է Հիբեմյագին: Նա ավելացրել է, որ այդ մուլտֆիլմը «պրոպագանդա» է և «ուղեղների լվացում»:
