ԱԺ-ում լրագրողների հետ զրույցում ասաց «Հանրապետական» խմբակցության պատգամավոր, նախկին գլխավոր դատախազ Գևորգ Կոստանյանը կարծիք հայտնեց, որ պետական պաշտոններ զբաղեցրած անձանց սոցիալական երաշխիքների մասին» օրենքի նախագծի ընդունումն անհրաժեշտություն էր, որովհետև բազմաթիվ լրջագույն կադրեր դատախազությունում և Քննչական կոմիտեում, զուտ սոցիալական ապահովության անկայունության պատճառով, պատրաստ էին համակարգը լքել, ինչը պետությանն էր վնասում:
Անդրադառնալով լրագրողների դիտարկմանը, թե ձուկը գլխից է հոտած, դատավորները և դատախազները կաշառք են վերցնում՝ ավելի բարձրաստիճանների հետ կիսվելով, Կոստանյանը նշեց. «Ես երբեք չեմ վիճարկում այն ասացվածքը, որ ձուկը գլխից է հոտում, բայց ես կարող եմ իմ պաշտոնավարման ժամանակի հետ կապված ասել և ընդգծել, որ այդ ժամանակահատվածում, եթե կա որևէ մեկը, որ կասի՝ դատախազը կաշառք է վերցրել, կամ` առավել ևս վերևներին է տվել, ես պատրաստ եմ անձամբ միջնորդել և քրեական գործ հարուցել այդ փաստի կապակցությամբ»:
Գևորգ Կոստանյանը մանրմասնեց, որ ձուկը գլխից է հոտում ասելով՝ նկատի ունի նաև իրեն, երբ պաշտոնավարում էր որպես գլխավոր դատախազ:
«Իմ պաշտոնավարման ժամանակահատվածում առաջին անգամ քսանից ավելի քննիչի և քննչականի պետի դեմ ես քրեական գործ հարուցեցի և դատի տվեցի, մի շարք փաստաբանների դատի տվեցի, որոնք կաշառք էին վերցրել մեղադրյալներից կամ իրենց պաշտպանյալներից՝ դատախազին փոխանցելու նպատակով: Ես ինքս այդ պրոցեսը սկսեցի: Ես միշտ ասել եմ և ասում եմ, որ կաշառքի թույլատրելիությունը տեսել եմ ոչ միայն օրենքի արգելելու տեսակետից, այլև դա դիտել եմ, դիտում եմ և դիտելու եմ որպես անբարոյականություն, իսկ անբարոյականությունից բխող վարքագիծը, անկախ նրանից` ում կողմից է դրսևորվում, անբարոյականություն է իր էությամբ»,- նշեց Կոստանյանը:
Մանրամասները՝ տեսանյութում:
