Սվազիլենդի թագավոր Մսվատի III-ը որոշել է ամուսնանալ… 15-րդ անգամ: Ինչպես տեղեկացրել են նրա պալատից՝ 45-րդ թագավորի նոր ընտրյալը 18-ամյա մոդել Սինդիսվե Դլամինին է:
Մինչև հարսանիքը Դլամինին պաշտոնապես կկրի «թագավորի հարսնացու» տիտղոսը, փոխանցում է ИТАР-ТАСС-ը: Ինչպես տեղեկացվում է, նա արդեն ներկայացվել է թագավորական բազմանդամ ընտանիքին:
Ավանդույթի համաձայն՝ թագավորն ամեն տարի կարող է իր համար հարսնացու ընտրել: Թագավորի հարսնացուն դառնալու ցանկացողների թիվը շատ մեծ է: Բոլոր ընտրյալները, որպես նվեր, առանձնատուն, լիմուզին և ամենագնաց են ստանում:
Սակայն Մսվատի III-ը դեռ հեռու է իր հորից՝ Սոբհուզ II-ից, ով մահացել է 1982 թ.՝ 82 տարեկան հասակում՝ թողնելով 70 անհույս այրիների։
