ԱՄՆ պետքարտուղար Ջոն Քերին Ֆրանսիայի և Մեծ Բրիտանիայի արտգործնախարարների հետ հանդիպումից հետո Փարիզում կայացած մամլո ասուլիսի ժամանակ հայտարարել է, որ Սիրիայի նախագահ Բաշար Ալ-Ասադը ամբողջությամբ կորցրել է օրինականությունը՝ հաղորդում է RIA Novosti-ն:
Քերիի խոսքերով՝ իրենց գործողությունները ոչ մի դեպքում չպետք է պատճառ դառնան, որ Ալ-Ասադը կարծի, թե իր գործողություններն օրինական են:
«Մենք ցանկանում ենք, որպեսզի պարզ լինի՝ Ալ-Ասադը կորցրել է երկիրը կառավարելու իրավունքը: Մենք հայտարարում ենք, որ հակված ենք ընդդիմությանը, հակված են ժնևյան խաղաղ գործընթացին, որի նպատակն է փոխանցել իշխանությունը Սիրիայում»,- ասել է Քերին:
